歷史上嘅一次意外就足以成為後世重要嘅線索去認識古代嘅文明，呢種情況絕對就係講緊沉船。近排以色列文物管理局就公布，考古團隊喺地中海沿岸就搵到兩艘沉船，當中就有唔少珍貴嘅文物，阿史今次就同大家講一講啦！

據了解，呢兩艘沉船可以追溯到1700年前同埋600年前嘅羅馬、馬穆魯克時期，之所以考古團隊認為沉船係出於意外，係因為兩艘船所在嘅位置完全唔岩停泊，好有可能係因為船上嘅人遇上風浪而喺呢個地方暫避，但結果都係照樣出事。

咁到底呢兩艘船上又有咩發現呢？當中最普通嘅就有幾百枚羅馬以及中世紀嘅銀幣，而講到最珍貴嘅，就係有一枚嵌有綠色寶石、刻有耶穌善牧像嘅金戎指。呢隻戒指估計就係西元第3世紀中期左右作品，雖然已經經過一千七百幾年嘅時間，但仍然亮眼。既然呢個地方已經有兩艘沉船，到底附近仲會唔會再有其他呢？考古團隊就表示會繼續發掘！

原圖嚟自網絡